АНУ-ын Флорида мужид төвтэй NextEra Energy компани Dominion Energy компанийг бүрэн хувьцаагаар солилцох хэлбэрээр 66.8 тэрбум ам.долларын үнэлгээгээр худалдан авахаар боллоо. Гэрээний дагуу Dominion-ий хувьцаа эзэмшигчид тус бүр эзэмшиж буй нэг хувьцаандаа 0.8138 ширхэг NextEra-ийн хувьцаа авах юм.
Хэлцэл амжилттай хэрэгжвэл нэгдсэн компани дэлхийн хамгийн том зохицуулалттай цахилгаан эрчим хүчний компани болох бөгөөд Флорида, Виржиньяа, Каролина мужуудад ойролцоогоор 10 сая хэрэглэгчид үйлчилж, нийт 110 гигаватт (ГВт) хүчин чадалтай, 80 гаруй хувь нь зохицуулалттай үйл ажиллагаа явуулна. Шинэ компани NextEra нэрээр ажиллаж, төв байр Ричмонд болон Жуно Бийч хотуудад хос байршилтай байх юм.
NextEra-ийн гүйцэтгэх захирал Жон Кетчум “Масштаб нь хөрөнгийн болон үйл ажиллагааны үр ашгийг нэмэгдүүлж, хэрэглэгчдэд илүү хямд цахилгаан хүргэх боломж олгодог” гэж мэдэгдсэн бол Dominion-ий гүйцэтгэх захирал Роберт Блю энэ нэгдэл нь хэрэглэгчдэд шаардлагатай үйлдвэрлэл, дамжуулах, сүлжээний хөрөнгө оруулалтыг хийх чадвар бүхий илүү хүчирхэг түнш бий болгож байгааг онцолжээ. Хэлцэл зохицуулах байгууллагуудын зөвшөөрлийг хүлээж, 12-18 сарын дараа хаагдахаар төлөвлөж байна.
Эх сурвалж: Virginia Business
Сэтгэгдэл үлдээх
Таны имэйл хаяг нийтлэгдэхгүй. Заавал бөглөх талбарууд * тэмдэглэгээтэй
