АХБ 2025 оны 10-р сарын 30-нд "Stable Solar Energy in Mongolia" нэртэй төслийг зарлаж, Монголын Баруун болон Зүүн эрчим хүчний системд 115 МВт хүчин чадалтай нарны цахилгаан станц, мөн 65 МВт/237 МВтц багтаамжтай батерейн хуримтлалын систем барихыг дэмжинэ гэдгээ мэдэгдлээ. Энэ нь Монголын түүхэн дэх хамгийн том сэргээгдэх эрчим хүчний худалдан авалт бөгөөд нарны болон батерейн хуримтлалын анхны дуудлага худалдаа юм.
Төсөл нь тусгаарлагдсан сүлжээнд сэргээгдэх эрчим хүчийг илүү найдвартай нэвтрүүлж, алслагдсан бүс нутагт хямд, цэвэр эрчим хүч хүргэх зорилготой. Ил тод, өрсөлдөөнт тендерийн журмаар хувийн хэвшлийн хөрөнгө оруулалтыг татах юм. "АХБ Монголыг цэвэр эрчим хүчний шилжилтдээ шинэлэг сэргээгдэх эрчим хүч, хуримтлалын шийдлээр дэмжиж байгаадаа бахархаж байна" гэж АХБ-ны Монгол улс дахь суурин төлөөлөгч Шэннон Коулин хэлжээ.
Энэхүү төсөл нь Монгол улсын 2015-2030 оны Эрчим хүчний бодлогын хүрээнд хэрэгжиж буй томоохон санаачилгуудын нэг бөгөөд цаашид улс орны эрчим хүчний аюулгүй байдал, экспортын чадавхийг нэмэгдүүлэхэд чухал ач холбогдолтой.
Эх сурвалж: Asian Development Bank
Сэтгэгдэл үлдээх
Таны имэйл хаяг нийтлэгдэхгүй. Заавал бөглөх талбарууд * тэмдэглэгээтэй
