АНУ-ын HelioVolta компани жил бүр гаргадаг SolarGrade PV Health тайлангийн дөрөв дэх дугаартаа АНУ болон Пуэрто Рикогийн нийт 8 ГВт хүчин чадалтай 1,500 гаруй нарны станцын үзлэгийн дүнг нэгтгэжээ. Үүнээс харахад хамгийн муу буюу "F" үнэлгээтэй станцуудын цахилгааны тэгшитгэсэн өртөг (LCOE) "A" үнэлгээтэй станцуудаас 20 гаруй хувиар өндөр байна.
Шалгагдсан төслүүдийн 87 хувьд яаралтай засах шаардлагатай томоохон доголдол, 8 хувьд нь станцыг нэн даруй унтраах шаардлагатай ноцтой асуудал илэрсэн байна. Ноцтой асуудал нарны хөдөлгөөнийг дагадаг трекертэй системүүдэд хамгийн их буюу 18 хувьтай гарсан бол дээврийн системд 8, газрын суурин системд 4 хувьтай байв. Чанар муутай станцууд ашиглалтынхаа хугацаанд 6 хувиар бага үйлдвэрлэж, чанартай станцуудаас гурав дахин их засвар үйлчилгээ шаарддаг аж.
Компанийн гүйцэтгэх захирал Дэвид Пеналва "Нарны салбарт чанар бол санал бодлын асуудал биш, гэрээнд тусгаж болох тоо болсон" гэж онцолжээ. Нарны хавтангийн үнэ эрс буурсан өнөө үед угсралт, засвар үйлчилгээний чанар нь төслийн ашигт ажиллагааг тодорхойлох гол хүчин зүйл болж байна.
Эх сурвалж: PV Tech
Сэтгэгдэл үлдээх
Таны имэйл хаяг нийтлэгдэхгүй. Заавал бөглөх талбарууд * тэмдэглэгээтэй
