Германы Эрчим хүч, усны салбарын холбоо (BDEW)-ны мэдээлснээр 2026 оны эхний есөн сард сэргээгдэх эрчим хүчний эх үүсвэрүүд тус улсын цахилгаан хэрэглээний 60.7 хувийг хангажээ. Энэ нь өмнөх оны мөн үеэс дөрвөн пунктээр өндөр үзүүлэлт юм. Нийт 237.5 тэрбум кВт·цаг сэргээгдэх цахилгаан үйлдвэрлэгдсэн нь 2025 оны мөн үеэс 8.7 хувиар их байна.
Эх үүсвэр тус бүрээр харвал далайн салхин станцын үйлдвэрлэл 19.8 хувиар, нарны эрчим хүч 13.9 хувиар, хуурай газрын салхи 9.1 хувиар өссөн бол хур тунадас бага байсан тул усан цахилгаан станцын үйлдвэрлэл 14.3 хувиар, биомасс 2.1 хувиар буурчээ. Герман 2030 он гэхэд цахилгааны хэрэглээний 80 хувийг сэргээгдэх эрчим хүчээр хангах зорилт тавьсан.
Гэвч дэд бүтцийн хөгжил сэргээгдэх эрчим хүчний өсөлтийг гүйцэхгүй байгааг салбарынхан анхааруулж байна. BDEW-ийн тэргүүн Керстин Андреэ сүлжээнд холбогдох тодорхой дүрэм шаардлагатай байгааг онцолсон бөгөөд сэргээгдэх эрчим хүчний төслүүд аж үйлдвэр болон бусад хэрэглэгчидтэй хязгаарлагдмал сүлжээний багтаамжийн төлөө өрсөлдөх болжээ.
Эх сурвалж: Clean Energy Wire
Сэтгэгдэл үлдээх
Таны имэйл хаяг нийтлэгдэхгүй. Заавал бөглөх талбарууд * тэмдэглэгээтэй
