Батерейн эрчим хүчний хадгалалтын систем буюу BESS (Battery Energy Storage System) нь цахилгаан эрчим хүчийг литийн ионы батерейнд хуримтлуулж, эрэлт ихсэх үед сүлжээнд буцаан нийлүүлдэг төхөөрөмж юм. Нар, салхины эрчим хүч цаг агаараас шууд хамааралтай тул BESS нь тэдгээрийн үйлдвэрлэлийн хэлбэлзлийг тэгшитгэж, сүлжээний тогтвортой байдлыг хангахад чухал үүрэг гүйцэтгэдэг.
BESS-ийн гол ажиллах зарчим нь цэнэглэх (charge) ба цэнэг тайлах (discharge) мөчлөг юм. Эрчим хүчний үнэ хямд буюу нийлүүлэлт их үед батерейг цэнэглэж, эрэлт өндөр буюу үнэ өссөн үед цэнэглэгдсэн эрчим хүчийг сүлжээнд нийлүүлдэг. Үүнийг “peak shaving” буюу оргил ачааллыг зөөлрүүлэх гэж нэрлэдэг ба эрчим хүчний компаниудад нэмэлт эх үүсвэр барихгүйгээр оргил цагийн ачааллыг даах боломж олгодог.
Мөн BESS нь “frequency regulation” буюу сүлжээний давтамжийг тогтворжуулах, “black start” буюу цахилгаан тасарсны дараа сүлжээг дахин асаах зэрэг олон нэмэлт үйлчилгээ үзүүлдэг. Эдгээр систем ихэвчлэн лити-төмөр-фосфат (LFP) эсвэл NMC (никель-манган-кобальт) катодтой батерейн эсээс бүрддэг бөгөөд контейнер маягийн бүтэцтэй тул суурилуулахад харьцангуй хурдан бөгөөд уян хатан байдаг.
Дэлхий даяар нар, салхины эрчим хүчний эзлэх хувь нэмэгдэх тусам BESS-ийн эрэлт эрс өсч байгаа бөгөөд Энэтхэг, АНУ зэрэг зах зээлүүдэд сүүлийн нэг-хоёр жилд батерейн хадгалалтын хүчин чадал хэдэн дахин өссөн жишээ цөөнгүй байна.
Сэтгэгдэл үлдээх
Таны имэйл хаяг нийтлэгдэхгүй. Заавал бөглөх талбарууд * тэмдэглэгээтэй
